Mapadara an Philippine National Police (PNP) nin dugang na tauhan tangani magsirbing augmentation sa local police sa Bangsamoro Autonomous Region in Muslim Mindanao (BARMM) kasunod kan pagpupuon nin election period para sa Bangsamoro Parliament election ngunyan na bulan nin Oktubre.
Bagaman dae itinao an eksaktong numero kan idadagdag na pwersa, sinaysay ni PNP Chief Gen. Nicolas Torre III na minimal na sana an deployment huli ta nagtutubod sindang magigin “very, very peaceful” an halalan sa rehiyon.
Padagos man an pagpapautob nin mga checkpoints komo parte pa kan regular na mandato kan lado kan PNP.
Katakod man sa liquor ban asin iba pang election-related na panundon, pigsierto kan PNP na masunod sinda sa direktiba kan Commission on Elections (COMELEC) komo suporta sa pangkagabusang seguridad kan pirilian.
