Dae mababa sa 36 katao an binawian nin buhay sa India mantang 50 man an irido makalihis magkaigwa nin stampede sa sarong political rally na pinangenutan kan saronng aktor na kumakampanya para sa eleksyon.
Sigun ki Ma Subramanian, health minister sa Tamil Nadu, kabilang sa mga nagadan na biktima iyo an 8 aki asin 16 na kababaihan.
Nagpuon an stampede kan magtaram si Actor/Politician Joseph Vijay Chandrasekhar mantang ini an nakatindog sa taas kan sarong bus.
Si Vijay an saro sa mga bistadong aktor sa lugar asin nagkaigwa ini nin public meeting kan ilunsar kaini an saiyang partido sa politika.
Pinauntok man kaini an pagtataram kan mahiling na nadidipilisan makalaog an mga ambulansya huli sa dakol nin mga tao, asin naghagad ini sa mga tagahanga na paagihon an mga tao.
Nagpost man si Vijay sa saiyang social media nin pakikidalamhati sa mga nabiktima.
Nagpaabot man nin pakikidalamhati si Prime Minister Narendra Modi asin pig inkaminar an publiko na makipagtabangan sa mga doktor asin kapulisan.
Nag-anunsyar man si Chief Minister MK Stalin na matatawan nin tig-1 million Indian rupees o labi sa P600,000 sa mga naulilang pamilya.
