Under control na an pulmonya ni Pope Francis dawa na ngani dae pa dagusang nareresolbar, inanunsyar kan Vatican kan nakalihis na aldaw nin Miyerkules.
An Papa, na nakikipaglaban sa bilateral pneumonia, an nagtitinir man sa stable na kondisyon. Dawa na an impeksyon ay nagigibuhan nin paagi, dae pa ini opisyal na nahahali. Pig report kan Vatican Press Office na an Pontiff ay nakakamati man nin polymicrobial infection na kontrolado man.
An update an pigtao sa ika-34 aldaw kan saiyang pagkaka-ospital sa Policlinico Agostino Gemelli Hospital sa Roma.
Mayo na man nin kalintura an Santo Papa asin man an suspensyon kan non-invasive mechanical ventilation sa bilog na banggi ay nahihiling na sarong positibong senyales. Napansin kan mga doktor an kawaran nin leukocytosis – sarong abnormal na paglangkaw nin mga puting selula kan dugo – na itinatampok ini komo saro pang nakapagpapatibay na tagapagpahiwatig kan saiyang pagrahay.
Huli sa matatag na kondisyon, mayo nang pinaglalaomang medikal na bulletin antes man an masunod na semana.
