Nag-abot na si Pope Francis kan Lunes sa East Timor, kun saen gigibohon an sarong dakulang Misa kaiba an mga paratubod na kadaklan mga Katoliko sa ikatolong pagpondo sa 12 aldaw na byahe sa Asia-Pacific.
Nag-abot an 87-anyos sa Dili, kabisera kan East Timor bandang 2:20 pm (0520 GMT) gikan sa Papua New Guinea. Rinibong mga Katoliko an naglinya sa mga tinampo tanganing kumustahon an Papa, na may kapot na mga payong na dilaw asin puti na kolor kan Vatican.
Nagpalibot nin mga bandera kan Vatican na nagkaigwa nin mamahalong makeover antes an pagbisita. An mga pobreng vagrante na nakaistar sa lugar pigbalyo kan mga awtoridad sa pagbisita kan Santo Papa, na nagkawsa nin kritisismo sa social media.
Segun sa mga human rights groups, ginaba an nagkapirang temporaryong harong na itinogdok kan mga pobre komo preparasyon sa misa. An gobyerno nagsasabi na sinda itinogdok nin ilegal. Si Prime Minister Xanana Gusmao nag-walis kan mga tinampo kaiba an mga lokal tanganing magtabang sa paglinig kan syudad antes an pag-abot kan pontiff.
