Pigsaysay kan Vatican na nagsasapo nin igwang pneumonia sa saiyang parehas na baga si Pope Francis.
Marurumduman, an Santo Papa an pigdara sa Rome’s Gemelli hospital kan nakalihis na semana huli sa bronchitis.
Katakod kaini, nagsairarom si Pope Francis sa laboratory tests, chest X-ray tanganing maaraman an saiya pang namamatean.
Sigun pa sa Vatican, an polymicrobial infection na nagreresulta sa bronchiectasis asin asthmatic bronchitis an nangangaipuhan nin paggamit kan cortisone antibiotic therapy na nagpapakomplikado sa pagbulong.
Susog pa sa report, kinaipuhan na halipn an toong baga kan Santo Papa kan 21-anyos pa sana ini makalihis na magsapo nin pleurisy na muntik pa kaining ikagadan.
Enot naman na pigkanselar kan Vatican an papal audience sa aldaw nin Sabado asin dae maatender nin misa sa Domingo.
Mientrastanto, piggugol man kan Santo Papa ang saiyang ika-limang aldaw sa ospital, sa paagi kan pagpapangadyi asin pagbasa nin mga texto.
