Pigbatikos ni Pope Francis an duwang nagkakandidato sa pagkapresidente sa US na sinda Vice President Kamala Harris asin dating Presidente Donald Trump.
Pigsaysay kaini na dapat an mga botante an magpili nin mas marhay na lider.
Pig-apod pa kan Santo Papa an duwa komo nagsasayuma sa mga buhay.
Marurumduman, dae uyon an 87-anyos na Santo Papa sa anti-migrant policy ni Trump siringman an pagsuporta ni Harris sa abortion right.
Dugang pa kaini na dapat na an mga botante na igwang konsiyensiya an pag-isipan nin marhay kun siisay sa duwa an pipilion.
Isinagibo kan Santo Papa an pahayag mantang ini an nasa Papal plane pabwelta na sa Vatican makalihis an 12-aldaw na pagbisita sa mga nasyon kan Indonesia, Papua New Guinea, Timor-Leste asin Singapore
