Padagos an pagrahay kan salud ni Papa Leo XIV matapos siyang operahan sa baga, asin nagmisa na ini sa laog kan Gemelli Hospital sa Roma kun sain siya naka-confine.
Nagpaluwas an Vatican nin retrato kan 71-anyos na Santo Papa na nanginot sa misa.
Nahihiling an Santo Papa na nakatindog sa temporaryong altar na saindang ginibo sa ika-sampulong palapag kan nasabing ospital.
Pinagpasalamatan ni Papa Leo an mga medical asin nursing staff na nag-asikaso kan saiyang salud.
Advertisement
Marurumduman na hinale kan mga doktor an nodules o an nagkapormang tissue sa laog kan saiyang baga na ini cancerous.
Matapos an operasyon, mayo nin nahiling na ano man na sintomas nin infections o pagkakahelang an Santo Papa.
Advertisement
