NAGA CITY-Maabot na sa 10.3 Billion katawo an populasyon kan kinaban sa katahawan kan 2080s, asin mababa nin dikit sa lebel na mas hababa sa inaantisiparan sarong dekada na an nakakaagi, sigun sa United Nations.
An presenteng populasyon na 8.2 billion katawo maabot soboot sa maximum na numero sa masunod nin 60 taon, asin mababa sa 10.2 Billion sa katapusan kan siglo.
An size man soboot kan populasyon kan kinaban pag-abot nin taong 2100 mababa nin 6%, katampad nin 700 million katawo, na mas hababa man sa pig-aantisiparan kan taong 2013.
Sigun ki UN Under-Secretary-General for Economic and Social Affairs Li Junhua, an dai piglalaoman na population peak huli sa pirang factor siring kan mas hababa na lebel nin fertility sa pira sa mga pinakadakulang nasyon sa kinaban siring kan China.
An mas hababa soboot na maximum mas amay na maabot kumparar sa dating pigkalkular, na sarong maray na senyales mantang piglalabanan kan kinaban an global warming, kun saen an mas dikit soboot nin tawo matao nin mas dikit na aggregate consumption, na matao man nin mas dikit na pressure sa kapalibutan.
