Dae dapat na hidalion an magigin kasimbagan o posisyon ni Presidente Ferdinand Marcos Jr. sa pagbabawal sa online gambling sa nasyon.
Sigun ki Palace Press Officer Claire Castro, importanteng matukoy muna kun an problema ba asin an pagkalulong kan pirang indibidwal an gikan sa licensed online gambling app o sa mga dae lisensyado.
Hurot ni Castro, dae pwedeng magpadalos-dalos an Presidente sa pagdidesisyon huli sa posibleng maapektaran an mga lisensyadong online gambling, orog na ta an mga revenue kaini an nakakatabang man sa publiko.
Naenot nang nagpahayag nin pagkadismaya ann nagkapirang mga lehislador makalihis na dae mabanggit an online gambling sa State of the Nation Address (SONA) ni Presidente Marcos kan nakalihis na Lunes, July 28.
Advertisement
Advertisement
