Nakatalaan na magpaluwas an Philippine Ports Authority (PPA) nin bagong polisiya tanganing maparikas an proseso asin maibitaran an mga importer na gamiton an mga pantalan komo storage.
Pigsaysay ni PPA General Manager Jay Santiago, nakikipagkoordinar sinda sa Bureau of Customs (BOC) tangani na masierto na dae madelay an mga importers sa pag-file kan saindang mga importation entries.
Piglinaw pa man ni Santiago na an mga nasambitan na pantalan na yaon sa irarom kan saindang pamamayo dae soboot ginibo tanganing magin areas kan mga importers asin iba pang paragamit huli ta ginibo ini tanganing maghiro an mga cargo.
Mientrastanto, naobserbaran man kan opisyal na igwa nin nagkapirang mga importers an naghahalat pa nin pirang bulan tanganing magsunad nin import entries sa cargo dawa na an mga produkto nadiskarga na sa pantalan.
