Paramientras na pigsuspinde kan Philippine Ports Authority (PPA) an operasyon sa mga pantalan sa nagkapirang areas sa nasyon komo parte an paglikay kasunod kan tsunami advisory na iniluwas kan Philippine Institute of Volcanology and Seismology (PHIVOLCS).
Sigun sa iniluwas na kasuguan ni PPA General Manager Jay Santiago, tulos na ipinautob an mga safety protocols sa mga lugar na pigkokonsiderar na high-risk makalihis an magnitude 8.7 na linog na nagtama sa silangan na parte kan Kamchatka, Russia.
Puon kasuodma, Hulyo 30, 2025 ipigsugo kan gabos kan Port Management Offices (PMOs) sa mga apektadong probinsiya kan Luzon, Visayas, asin Mindanao na untukon paramientras an gabos kan operasyon kan pantalan siring kan pagsakay asin pagbaha kan mga pasahero asin paghakot kan kargamento, hasta sa igwag abisong itao a PHIVOLCS.
Katuwang an Philippine Coast Guard (PCG), mga lokal na gobyerno, asin terminal operators, padagos an pagbabantay kan PPA sa anumang pagbabago sa lebl kan dagat tanganing masierto an kasalbaduhan kan publiko.
Inabisuhan na man an mga barkong nakaangkla o paparani sa mga pantalan na magbalyo sa mas hararom na parte kan kadagatan kun kinakaipuhan.
Pig-abisuhan man an publiko na likayan paramientras an mga dalampasigana asin baybaying-dagat mantang nagi-iral an huma. Nakaantabay na man an mga emergency response teams hasta sa magdeklarar an PHIVOLCS na salbado na an sitwasyon.
