Target ngunyan kan Parish Pastoral Council for Responsible Voting (PPCRV) na makapagparehistro asin makapagpakuriyat nin nasa 450,000 na volunteers sa mga polling precints asin canvassing centers sa manlaen laen na parte kan nasyon para sa Mid-term elections sa masunod na taon.
Pigsaysay ni Ana Singson, an national communications director kan PPCRV, na kan nakalihis na taong 2022, igwa na sindang 450,000 card-bearing members.
Mapuon sinda nin mobilization sa mga masunod na aldaw asin naglalaom ini na madugangan pa an nasambitan ng numero.
Pigsierto man kaini na an mga kukuanon ninda na voluteers mga non-partisan asin mayong mga pig eendorsong kandidato.
An PPRCV iyo an accredited na citizen’s arm kan Commission on Election (COMELEC) kada pirilian.
