Nanutaran an binisto komo ‘monster ship’ kan China harani sa Exclusive Economic Zone (EEZ) kan Pilipinas.
Huli digdi, nahandal an Philippine Coast Guard (PCG) dapit sa nanutarang presensya kan barko kan Chinese Coast Guard (CCG), na napag-araman na CCG 5901.
An nasambitan ng barko an binisto komo ‘monster ship’ huli sa dakula kaini na 12,000 tonelada, na limang beses na mas dakula kesa sa pinakadakulang mga barko kan PCG an nadetect gikan sa 54 nautical miles sa lugar kan Capones Island sa Zambales.
Gamit an Dark Vessel Detection System kan Canada, pigkumpirmar kan PCG an nahiling na barko kan China kan Sabado nin pagkabanggi, na tulos man nagpadara an PCG nin BRP Cabra, sarong helicopter, asin an PCG Caravan tanganing masubaybayan an nasambitan ng barko.
An barko kan CCG, na enot na ireport na harani sa Scarborough Shoal (Bajo de Masinloc), an nahiling man na naghihiro pasiring sa kanlurang direksyon asin huring nahiling na nasa 85 nautical miles gikan sa Zambales.
Tinawan-duon kan PCG na an presensya kan barko kan China, sa laog kan EEZ kan nasyon an sarong anggat sa soberanya kan Pilipinas.
