Pano asin siksik an aktibidad ni Presidente Ferdinand Marcos Jr. Sa saindang working visit sa United Arab Emirates (UAE).
Sigun ki Palace Press Officer USec. Claire Castro, pigpuunan kan Presidente an aldaw sa pagkakaigwa nin working breakfast kaibahan an miyembro kan gabinte.
Makikipaghilingan liwat an Presidente ki UAE President Sheikh Mohamed bin Zayed Al Nahyan, sa Abu Dhabi National Exhibition Center.
Maatendir man an Presidente sa pagbubukas kan Abu Dhabi Sustainability Week, kun saen piglalaoman na matao nin key note speech an Presidente asin Saved Sustainability Prize award na ikukundusir sa ICC Hall.
Magkakaigwa man soboot nin business meeting an Presidente, kun saen ibubusol kaini an busines asin technology interest kan nasyon.
Mantang personal na ka-kamustahon kan Presidente an mg Pilipino sa Abu Dhabi.
Saro sa pig-aabangan sa pagbisitang ini an mapipirmahan na kasunduan para sa defense cooperation sa pag-ultanan kan Pilipinas asin UAE, asin an Comprehensive Economic Partnership Agreement (CEPA), na maserbeng kaenot-enoteng free trade agreement (FTA) kan Pilipinas sa sarong nasyon sa Gitnang Silangan.
