Pigtuldokan na kan Department of Trade and Industry (DTI) an pagkahandal sa paglangkaw kan presyo kan nagkapirang mga basic goods ngonian na taon.
Sigun kaya sa ahensya, dae na ninda aaprobaran an anuman na paglangkaw sa presyo kan nagkapirang basic goods siring kan sardinas, instant noodles, nagkapirang brand nin tinapay.
Pig-anunsyar man kan ahensya na sa huring parte kan saindang konsultasyon sa mga stakeholders sa planong paghale kan suggested retail price (SRP) scheme na nagkapirang dekada nang pigpapautob.
Alagad maski sigun ki DTI USec. Ruth Castelo, nagsirbing proreksyon an SRP tanganing maibitaran an mga manufacturer sa sobrang paglangkaw kan presyo, susuportaran suboot kan DTI an paghale kan SRP scheme asin salidahan ini nin price range guide para sa mga konsumidores.
Ikinaugma kan nagkapirang konsumidor asin mga panadero an lakdang kan DTI na dae na magpalangkaw kan presyo kan mga nasambitan ng produkto maski pa naghagad nin pag-unawa sa publiko an mga paragibo nin tinapay, huli ta posibleng mabawi kan mga panadero an saindang kita sa paagi kan pagpalangkaw kan presyo kan mga produktong dai nareregulate, huli ta sinda pigkokonsiderar na mga pundamental o pangenot na mga barakalon siring kan mga cake asin iba pang pastries.
