NAGA CITY- Pigheras kan sarong flower vendor sa Naga City an mayong nagin paghero sa presyohan kan mga burak katakod kan Mother’s day ngunyan na aldaw.
Sigun ki Raquel Proa, flower vendor sa siyudad nin Naga, kun ikukumparar soboot sa presyohan kan burak kan nakalihis na taon, mayo man nin paghiro digdi. Kun saen, nag-abot sa P50 an pinakabarato sa saindang paninda. Alagad an presyohang ini an madepende man soboot sa size, asin sa pakagibo. Asin an burak na rosas asin sunflower man an pinakamabenta.
Mientrastanto, nin huli ta nasaktong aldaw nin Dominggo an Mother’s Day kun kaya soboot nagin mabenta man an saindang mga paninda mantang pinaglalaoman pa kan mga flower vendors na hasta saaga an kadakol pa man an mga mabarakal nin burak.
