Probisyonaryong itinalaan kan Sandiganbayan Third Division an hearing para sa preventive suspension ni Senador Rodante Marcoleta para sa Martes, Agosto 18.
An enot na aldaw kan hearing kan senador sa bail petition para sa plunder case itinalaan na sa Setyembre 3.
Ini an pig-anunsyo ni Sandiganbayan Third Division chairperson Associate Justice Karl Miranda kasabay kan pretrial proceedings ni Marcoleta asin kan tolong kaiba kaini sa non-bailable case.
Enot kaini, pigsugo kan korte kan Hulyo 22 si Marcoleta na ipaliwanag kun tano ta dai siya dapat temporaryong suspendiron bilang senador.
Si Marcoleta nagsangat kan saiyang manipestasyon kan Agosto 3 na naghahagad na punduhon na an pagluwas kan saiyang preventive suspension, alagad dae pa man nin komento an piskalya dapit digdi.
Kun dapit sa bail petition kan senador, kinumpirmar kan mahistrado na si Marcoleta asin an saiyang mga kaibahan na akusado nagsangat nin sadiring petisyon para sa piyansa.
Magigirumduman na nahahampang sa kasong plunder si Marcoleta kaibanan si dating Reps. Mike Defensor, Joseph Espiritu asin Aristotle Viray katakod kan suboot dai pagdeklara kan senador nin P75 milyones na donasyon sa kampanya durante kan pirilian sa 2025.
