Ginawaran ng Plaque of Recognition Ang Police Regional Office 5 (PRO 5), sa pamumuno ni PBGEN Erosito N Miranda, bilang pagkilala sa kanilang huwarang performance at matatag na dedikasyon sa pagpapatupad ng Drug Demand Reduction (DDR) Programs at mga kaugnay na aktibidad.
Iginawad ang parangal bilang pagkilala sa tuloy-tuloy na pagkuha ng PRO 5 ng pinakamataas na weekly performance scores at pinakamataas na overall average rating batay sa validated na 26-Week Drug Demand Reduction Matrix Performance Evaluation.
Ang natamong tagumpay na ito ay sumasalamin sa kanilang matibay na dedikasyon sa mga anti-illegal drugs na inisyatiba sa pamamagitan ng epektibo at makabagong mga estratehiya na malaki ang ambag sa pambansang kampanya laban sa droga at drug dependency.
Kabilang sa mga kinilala ang mga gawain ng PRO 5 sa Information Development Operations, Public Information and Advocacy, Drug Demand Reduction Education Activities, at Coordination at Mobilization Efforts, na nagpatunay sa kanilang pagiging huwaran sa kahusayan, propesyonalismo, at episyenteng operasyon.
Ang parangal ay iginawad noong Hunyo 25, 2026 sa Operations Family Conference para sa Calendar Year 2026 na ginanap sa Novotel Manila Araneta City sa Quezon City, at tinanggap ni PCOL Wilson A Santos, VI, DRDO, PRO 5, sa ngalan ng Regional Director at buong organisasyon.
