Paramientras na tutugotan kan Metropolitan Manila Development Authority (MMDA) an provincial buses na mag-agi sa kalabaan kan EDSA ngunyan na holiday rush.
Sa iniluwas na advisory kan ahensiya, tutugotan puon ngunyan na aldaw Disyembre 20 an mga provincial bus na magbaybay sa EDSA sa peak hours puon alas-10 nin banggi hasta alas-5 nin aga.
Puon Bisperas man kan Pasko sa Disyembre 24 hasta Enero 2, 2026, tutugotan an mga provincial bus na makaagi sa EDSA 24 oras tanganing mapahupa an suruksokan kan mga pasahero asin para sa marhay na biyahe sa kasagsagan kan holiday.
An mga bus na gikan sa North Luzon an pwedeng magbus-stop sa mga terminal sa Cubao, Quezon City mantang an mga gikan man sa South Luzon an tutugotan sana na magbaba nin mga pasahero hasta sa Pasay City asin sa Parañaque Integrated Terminal Exchange (PITX).
An nasambitan ng lakdang kan MMDA an parte kan traffic mitigating measures kaini para sa Christmas season tanganing masierto an marekas asin dae maantalang biyahe para sa mga provincial buses asin kan saindang mga pasahero.
