Liwat naikurit kan Philippine Statistics Authority an pagbaba sa presyo kan bagas sa enot na duwang semana kan Enero ngunyan na taon.
Sa sarong pahayag, sinaysay kan ahensiya na bahagyang nabawasan an presyo kan kada kilo kan regular-milled rice kun saen mababakal na sana ini sa average retail price na ₱48.12.
Mas hababa man ini kumparar sa average retail price kan bagas kan nakalihis na bulan kan Disyembre.
Mientrastanto, nagbaba man an presyo kan kamatis na nagpakol sa ₱158.67 per kilo puon kan Enero 15 hasta 17.
Ini an mas hababa man kan P32 pesos kumparar sa dating P190 per kilo kan kamatis sa enot na semana kan nasambitan ng bulan.
Nagkaigwa man nin paglangkaw sa presyo kan orig, galunggong, asin magin sa pulang sibulyas.
