Kapansin-pansin an nagkapirang puntod kan nga bistadong personalidad na nakalubong sa Manila North Cemetery ngunyan na pigkokomemorar kan mga Pilipino an Undas.
Mahihiling na an mga puntof kan mga batikang aktor, aktres, dating opisyal, senador, asin magin nagkapirang mga nagin Presidente kan nasyon an inalayan nin mga burak.
Sa laog kaya kan nasambitan ng sementeryo, digde manunutaran an lubungan kan mga nagkapirang personalidad na nagtalikod na sa kinaban, pirang taon na an nakakalihis.
Paglaog nin Manila North Cemetery, dikit na lakaw sana, mahihiling an puntod ni dating Presidente Sergio Osmeña Sr. Nagsunod digde an puntod man ni dating senador Claro M. Recto.
Asin sa ibong na banda man, manunutaran an puntod kan nagtalikod na sa kinaban na dating Presidente kan Pilipinas na si Presidente Ramon Magsaysay.
Pati puntod ni Former President Manuel Roxas, mahihiling sa laog kan Manila North Cemetery.
Siring man an puntod kan dating alkalde kan siyudad kan Manila na si Mayor Alfredo Lim an manunutaran na inalayan man nin mga burak.
Mientrastanto, sa parteng hurihan man kan sementeryo manunutaran an lubungan kan batikang aktor asin bistadong hari ng Pelikulang Pilipino na si Fernando Poe Jr kaibahan an saiyang agom na si Susan Roces.
Nakaeksperyensita man nin paburo-bagong kamugtakan kan panahon an mga nagbisita sa nasambitan ng sementeryo kaya mas marhay na magdara nin payong sa pagpasiring digde ngunyan na Undas.
