Pig-anunsyar ni Russian President Vladimir Putin kan Lunes an tolog aldaw na ceasefire kontra sa Ukraine puon Mayo 8 hasta Mayo 10 tanganing iselebrar an ika-80 anibersaryo an pagkakagana kan Soviet Union asin mga kaalyado kaini sa World War II.
An nasambitan ng pahayag an makalihis tuyawon ni US President Donald Trump an sarong matinding pag-atake kan Russia sa Kyiv kan nakalihis na semana, asin pigpahayag an pagkahadit na pigbalewala ini ni Putin.
Sigun Kremlin, suspendido an gabos nin paglusob kaini sa laog nin tolong aldaw asin piglaoman na masunodon ini kan Ukraine.
Siringman, tinawa-duon ninda na kun igwa nin mga pagbalgar, matao an Russia nin angkop na kasimbagan.
Mientrastanto, mayo pang reaksyon an Ukraine dapit sa deklarasyon kan ceasefire.
Ini na an ika duwang pag-anunsyar kan Russia sa untok putukan makalihis sanang ipag-sugo kaini an 30-oras na ceasefire kan Mahal na Araw kun saen parehong pig-akusaran kan magsinaibong na lado na pigbalgar an kasunduan.
