Nagpaluwas kan saiyang kapahayagan si Russian President Vladimir Putin na nagsasaysay na preparado ining personal na makipag-ulay ki US President Donald Trump.
Pig-omaw pa kaini an US President kun saen pigsaysay na matalino asin marekas soboot makahanap nin mga solusyon siringman pirmeng nakasentro sa interest kan saiyang nasyon.
Dugang pa ni Putin na dae kuta nangyari an giyera sa pag-ultanan ninda kan Ukraine kun nanggana si Trump kan 2020 US election.
Alagad, pigtawan duon man ni Putin na bako sanang dapit sa giyera an saindang pwedeng pag-ulayan nin huli ta posible pa man an dapit sa nuclear asin ekonomiya.
Marurumduman, enot na pig-enkaminar ni Trump si Ukraine President Volodymyr Zelensky na makipagkasundo na ki Putin tanganing malikayan an anuman na kariribukan.
