Liwat na pigbuksan an consolidation programm para sa mga public utility vehicles (PUVs), parte kan jeepney modernization initiative sigun sa Land Transportation Franchising and Regulatory Board (LTFRB).
Pig-anunsyar ni LTFRB chairman Teofilo Guadiz III na an ahensya mabukas liwat nin application for consolidation of unconsolidated jeepney drivers sa laog kan 45 na aldaw, kasunod kan kahagadan kan Senado.
Pigsaysay pa man kaini na nagpuon an liwat na pagbukas kan programa kan nakalihis na Oktubre 15, na boot sabihin, an mga aplikasyon para sa konsolidasyon aakuon hasta sa Nobyembre 29.
Dugang pa kaini, na an mga newly-consolidated drivers asin operators Binanggit man ni Guadiz na an mga newly-consolidated drivers asin operator, awtomatikong magiging karapat-dapat para sa P10,000 fuel subsidy.
Sa oras na mag-aplay soboot, awtomatikong kwalipikado asin I-enrol tulos sa Landbank, asin pwede naman mag-withdraw kan saindang funds.
Alagad, pigduon kaini na an mga unconsolidated drivers asin operators pwede sanang maglaog sa mga dating kooperatiba asin dae pwedeng magbilog nin bago.
Komo parte kan programa sa modernisasyon kan PUV, kinakaipuhan na magkonsolida an mga drayber asin operator sa mga kooperatiba o korporasyon. An dai paggibo kaini magkakawsa kan pagkonsiderar sainda na “colorum,” o mga ilegal na operator.
