Pinagkwestyonan ni Senator-judge Robin Padilla kun igwa nin ginibong anuman na iregularidad si dating Presidente Rodrigo Duterte manungod sa joint account ninda ni Bise Presidente Sara Duterte.
Sa paghapot ki witness Marwin Galvez, sarong division head kan bangko, sinabi ni Padilla na dai niya nahihiling an pangangaipo na idamay an dating Presidente sa mga isyung pinag-uurulayan sa impeachment trial.
Hapot ni Padilla ki Galvez kun igwa nin nahiling na sala na ginibo an dating Presidente Duterte base sa mga dokumentong iprinisentar sa impeachment court. Sinabi man kan witness na mayo siyang nahiling na arog kaiyan na bagay base sa records.
Parte ini kan diskusyon manungod sa labi P96-milyong pondo na paulit-ulit umanong ginibong manager’s checks. Ipinagpaliwanag ni Galvez na nag-iisyu nin manager’s check an bangko basta maayos an authorization kan instruksyon asin sapat an pondong gagamiton.
