NAGA CITY – Makundusir nin mga blood letting activity an Red Cross Camarines Sur Chapter sa nagkapirang banwaan sa probinsya nin Camarines Sur ngunyan na bulan nin Hulyo.
Sigun ki Ma. Felisa Badiola, Officer in Charge kan Red Cross Camarines Sur Chapter, na sa presente igwa sinda nin walong blood letting organizations o grupo na nagrequest sa sainda na magkundusir nin blood donation, siring na sana kan Philippine Army, DOJ, asin iba pa.
Apwera pa digdi, kadakol paman soboot nagrerequest sa sainda na ikinaogma man kan opisyal.
Mientrastanto, an mga nagdodonar man soboot nin dugo an mga positive type O, type A asin AB. Kun saen, 10% an naidugang sa supply nin dugo sa saindang ahensya sa mga nakalihis na bulan na saindang pigkundusir katakod kan selebrasyon kan Blood Donation Activity.
