Nangapudan si Batangas Rep. Leandro Leviste ki Department of Public Works and Highways Secretary Vince Dizon na isapubliko an files kan nagtalikod na sa kinaban na si dating DPWH Undersecretary Catalina Cabral.
Sigun ki Leviste, itinao sa saiya ni Cabral an files kan listahan kan mga proponent kan DPWH insertions sa bilog na nasyon kan Setyembre 4 nin igwang pagtugot ni Secretary Dizon.
Pigsaysay man ni Leviste, pwede man iluwas an mga insertions kan mga proponent kun tutugutan sa Kongreso.
Pigsambit ni Leviste na ipinahiling na kaini an nasambitan ng files sa Independent Commission for Infrastructure kan Nobyembre 18 asin 19, siringman sa Ombudsman kan Nobyembre 26.
Pigtawan duon ni Leviste, na an pagluwas sa nasambitan ng files an magkakaigwa nin mahewasang mga epekto huli ta nakapalaman digde an proponent kan flood control asin iba pang proyekto kan DPWH sa bilog na gobyerno na kinababalihan kan mga Kongresista, Senador, mga opisyal gikan sa Ehekutibo, siringman an sekretaryo adin Undersecretary sa luwas kan DPWH, pati mga pribadong indibidwal.
