Nagtiripon an ribu-ribong Korean protesters sa luwas kan National Assembly sa Seoul, South Korea kan nakalihis na aldaw nin Sabado, Disyembre 14.
Ini an sa tahaw kan botohan para sa ikaduwang pagprobar para sa impeachment ni South Korean President Yoon Suk Yeol makalihis na mabigo an naenot na attempt kan nakalihis na Sabado, Disyembre 7 makalihis na mag walk-out asin i-boycott kan mga mambabatas gikan sa ruling party na People power Party an botohan.
Base sa Seoul Police Official, yaon sa pigkakalkulong 200,000 na katawo an nagtiripon sa luwas kan parliament tanganing suportaran an pagsibak sa puwesto ki Pres.Yoon.
Sa ibang parte kan kabisera kan South Korea na Gwanghwamun Square, nagtipon man an nasa pigkakalkulong 30,000 na mga tagasuporta ni President Yoon tanganing ipahiling an saindang suporta sa Presidente na nagkakanta kan patriotic song asin pigwawagayway an bandera kan South Korea asin Amerika.
