Pigsibak ni Presidente Ferdinand R. Marcos Jr. si Romeo D. Lumagui Jr. komo Commissioner kan Bureau of Internal Revenue (BIR).
Kasabay kaini, pigtalaga man kan Presidente si Finance Usec. Charlito Martin Rada Mendoza komo saiyang karibay.
Basado sa dokumentong pigluwas kan Malacañang kan Nobyembre 12, 2025, si Mendoza an pormal na pighirang komo BIR Commissioner sa irarom kan Department of Finance (DOF), susog sa nag-iiral na mga ley.
Sa appointment letter na pirmado ni Presidente Marcos, pigsugo si Mendoza na tolos gampanan an saiyang responsibilidad asin magsumiter nin kopya kan saiyang Oath of Office sa Office of the President asin Civil Service Commission (CSC).
Sa ngunyan, mayo pang pigpaluwas na pahayag an Palasyo dapit sa rason kan pagkakahali ni Lumagui komo Commissioner kan BIR.
