Kinumpirma nin sarong testigo kan prosekusyon na dae kabali si dating House Speaker asin Representante kan Leyte na si Martin Romualdez sa lista kan mga proponent nin mga proyekto sa pagkontrol kan baha na igwang koneksyon sa suboot P7.4-bilyong kasong plunder laban saiya.
Sa pagdangog sa Sandiganbayan Third Division, sinabi ni DPWH engineer Carlo Rivera na nakolekta asin naihatod niya an umano’y P5 bilyong commitment fees o kickbacks hale sa mga kontratista ki dating DPWH Bulacan First District Engineer Henry Alcantara, na sa huri ipinasa ki dating Ako Bicol party-list representative Zaldy Co.
Segun ki Rivera, si Co an suboot nagwaras kan pondo sa mga proponent nin mga proyekto sa pagkontrol kan baha, kabali an saiyang sadiri, si dating DPWH Undersecretary Roberto Bernardo, Senator Jinggoy Estrada asin dating Senator Ramon Bong Revilla Jr. Alagad, sinabi man niya na si Alcantara an nagtao saiya kan lista kan mga proponent.
An suboot pagkokolekta kan commitment fees nangyari poon 2022 sagkod 2025.
