Pighurot ni dating presidential spokesperson Harry Roque sa panel of prosecutors kan Department of Justice na pahewason an deadline kan pagsusunad kaini nin counter-affidavit.
Igwa ini nin kinaaraman sa kasong kinakahampang kaini na qualified human trafficking huli sa operasyon kan iligal na POGO operation sa Porac, Pampanga.
Sinaysay ni DOJ Spokesperson Mico Clavano na dae nakaantendir asin nakapagsumiter nin counter-affidavit si Roque sa itinalaang preliminary investigation sa DOJ kan Nobyembre 29.
Imbes soboot maghuroy an abogado kaini na pahewason an pagsusumiter asin pigsisisierto ninda na isasagibo ini sa Disyembre 3 sa aldaw nin Martes.
Dae pighuna kan DOJ na sa pagsumiter ni Roque kan saiyang counter-affidavit an matutunton digdi an saiyang kinamumugtakan.
Maaaraman kaya kun saeng lugar ini nagsubscribe asin kun mayo ining maisunad an igwa sinda nin rason na nakahali na sa nasyon si Roque.
Marurumdoman na ipinag-sugo kan House of Representative na arestuhon si Roque huli sa contempt.
