Isasaprayoridad kan Senado an Senate Bill (SB) No. 2034, o an proposed Reserve Officers’ Training Corps (ROTC) Act, sa pagbwelta kan sesyon sa Nobyembre.
Ini an pigpahayag ni Senate Majority Leader Francis Tolentino kan nakalihis na Lunes, Setyembre 30.
Katakod digde, pigsierto man kan opisyal na makalihis aprubahan ni Presidente Ferdinand Marcos Jr. sa pinakahuring Legislative Executive Development Advisory Council (LEDAC) meeting magiging prayoridad na ini kan saindang lado. Pigkokonsederar man an laba asin curriculum kan programa, kabali na an mga subject sa climate change, disaster preparedness, asin sibika.
Pig-aaram pa na ni Tolentino an mga paaagi para sa mga sararadit na kolehiyo na magtatangro nin ROTC sa paaagi kan resource pooling.
Dugang pa ni Tolentino, an nag-uuswag na partisipasyon sa ROTC Games asin pinalangkaw na interes kan mga babaeng kadete an nagpapahiling kan positibong pagriribay nin pananaw kan publiko dapit digde.
Nagtutubod man si Tolentino na mapapakusog kan ROTC an‘patriotism’ sa mga kajovenan.
