Nagpatanid an Russian Foreign Minister na si Sergey Lavrov sa Estados Unidos laban sa padagos na pagpadara nin mga armas sa Ukraine durante kan saiyang pagtiripon ki U.S. Secretary of State Marco Rubio sa ASEAN Foreign Ministers’ Meeting sa Manila.
Susog sa sarong pahayag gikan sa Russian Foreign Ministry, si Lavrov nag-insistir na an padagos na suplay kan Washington nin mga armas sa gobyerno kan Kyiv dai maako. Tinatsaran man niya an nagkapirang nasyon sa Europa huli sa padagos na soboot mga lakdang tanganing paluyahon an Rusya.
Sa sarong halipot na pahayag, an Departamento kan Estado kan Estados Unidos nagsabi na si Rubio asin Lavrov pinag-olayan an relasyon kan Estados Unidos asin Russia, siring man an pangangaipo na tapuson an gera sa pag-ultanan kan Rusya asin Ukraine.
Si Lavrov, sa saiyang parte, nagsabi na an Russia nagdadanay na bukas sa sarong politikal asin diplomatikong solusyon sa iriwal. Ini an saindang pinakaenot na pormal na pagtiripon poon kan Setyembre 2025.
Apwera sa isyu kan Ukraine, an duwang opisyal piglalaoman man na pag-oolayan an nagdadakulang tensyon sa Middle East, kabali an pagkondenar kan Russia sa mga airstrikes kan Estados Unidos laban sa kaalyado kaini na Iran.
