Tinutulan kan Russia an promesang security guarantees kan Western countries para sa Ukraine, basado sa report kan Russian state media.
Ini an kasunod kan promesa ni French President Emmanuel Macron na pormal ng nag-commit an 26 na kaalyadong Western countries na magpadara kan saindang mga tropa sa paagi kan land, sea, o air sa Ukraine sarong aldaw makalihis na mapagkasunduan an posibleng ceasefire o untol-putukan.
Alagad hurot ni Moscow na mayong western forces an dapat na i-deploy sa Ukraine asin dapat na saro ini sa mga nasyon na naghihiro komo guarantors, sarong ideya na pigtutulan kan Kyiv asin mga kaalyado kaini.
Sa remarks na iniluwas kan Russian state media, kinuwestiyon ni Kremlin spokesperson Dmitry Peskov kun masisierto ba kan mga kaalyado kan Ukraine na Amerika asin Europa an pagtatao kan security guarantees para sa Ukraine siring man kan military contigents, asin sinaysay sanna malamang dae.
Alagad sigun ki UK Prime Minister Sir Keir Starmer, dae natitinag an promesa kan western allies na pigsusuportaran kan US asin kinalampag an Russia na wakasan na an giyera.
