Aram baya nindo mga Ka-Bombo, liwat na binaha nin grasya gikan sa kadagatan an mga residente sa sarong barangay sa Moalboal, Cebu huli sa mga sirang tamban na napadpad sa baybayon.
Nangyari an insidente kain nakalihis na domingong aga, Nobyembre 3, 2024.
Enot na nangyari an siring na sitwasyon duwang bulan naman an nakakalihis sa Panagsama Beach.
Nagtutubod an mga eksperto na an pagdagsa liwat kan mga tamban produkto pa man kan pigpautob na closed fishing season.
Igwang posibilidad na napaduman sa baybayon an mga tamban huli sa pagbabago kan temperatura sa dagat, o huli sa direksyon kan agos kan dagat, o kaya man pighahapag ini kan predator o nagkakakan sa sainda.
Bistado man an Moalboal sa coral reef asin igwa soboot drops off o pararom na parte kan dagat na maabot sa 230 feet.
An lokasyon bistado huli sa dakol nin tamban na sira sa lugar asin bistado sa apod na “sardine run” o “sardine swirl.”
