Aram baya nindo mga ka-Bombo, an 55-anyos na si Hilde Dosogne kan Belgium an nagtalaan kansuarin sana nin bagong world record para sa pinakadakol na magkakasunod na marathon makalihis magdalagan nin 366 full marathon (labi 15,000 km) kan nakalihis na 2024.
Kan nakalihis na Mayo 30, 2024, nasira na ni Hilde Dosogne an world record kan kababaihan parasa pinakadakol na magkakasunod na marathon – 150, na ipigtalaan ni Erchana Murray Bartlett, alagad dae ini nagpundo sa pagdalagan hasta Disyembre 31, kan naikurit kaini an saiyang ika-366 na magkakasunod na bilog na marathon kan taon.
Saro ining dakulang trayumpo na siring kan sa men’s category na ipigtalaan kan nkalihis na 2023 kan Brazilian runner na si Hugo Furias na nakatapos man nin 366 marathon.
Siring kan pig-iisip kan iba, an pagdalagan nin 42.195 km kada aldaw sa laog kan sarong taon an dae katubod-tubod na mapagal sa lawas, alagad mantang kinakaipuhan ni Hilde na pagtrayumpohan an pagkapagal asin bursitis (pagkulog kan mga kasu-kasuan), pig-ako kaini na an pagpapahiling kan mental stress an puon na linya araaldaw an pinakamasakit kaining huma.
