Nagpaluwas nin abiso an sarong alkalde dapit sa kaso kan African Swine Fever orog na sa salang bareta na nagkukuriyat sa Banwaan nin Sagñay, Camarines Sur.
Sa nagin pahayag ni Mayor Jovi Fuentebella alkalde kan Sagñay, inihayag kaini na base sa na pag-urulayan ASF Task Force Sagñay soboot dae nangangaipuhan nin depopulation sa banwaan nin Sagñay, alagad nagkaigwa sa Barangay Del Carmen nin 1 kaso nin ASF kun asin ini an nagadan, pigsierto man kaini na an mga pagtaraid na orig an mayu nin nag positibo sa helang kaya mayu nin threat sa presente sa mga ataman na orig na e-depopulate.
Pigsierto pa kaini na dae nagkukuriyat an ASF sa presente sa saindang banwaan, alagad nag-obliga ini maggibo nin Executive order na igwa nin guidance sa Department of Agriculture sa saindnag lokal na Gobierno ini base sa pag ibitar ka pagkuriyat kan ASF.
Pigpahimutikan pa kaini an nagkukuriyat na chismis sa ibang mga barangay dapit sa pagkuryente kan mga orig, asin ipigheras na kinakaipuhan na magin responsable an mga hog raiser orog na may nakakabot na sumbong dapit sa may mga nagkakahelang na orig an pigtatago asin pigpapabakal an karne sa hababang presyo.
Dugang pa ni Fuentebella na enkaso an mga ataman na orig an nahihilingan nin sintomas kan helang na ASF an dapat na makipagkoordinar sa mga otoridad orog na tangani na makaiwas sa pagkuriyat kan helang.
Sa presente pig enkaminar man kaini na kinakaipuhan na makitabanga an lambang mga residentes orog na ta an lambang barangay an igwa ini mga ASF Task Force na nagmomonitor sa lambang mga lugar kada semana an nagsusumiter nin report orog na dapit sa kamugtakan kan salud kan mga orig.
Sa presente pagirumdumom kaini sa gabos na hog raisers na ibitaran an pagpapakan kan sagmaw sa mga ataman na orig huli ta pwede ini na magin carrier kan ASF Virus. Sa presente pagirumdom na sana kan alkalde na makikooperar an lambang mga residentes tangani na maibitaran an pagkuriyat kanhelang na ASF.
