NAGA CITY-Gadan an sarong lalaki makalihis na badilon ini sa Catanauan, Quezon.
Binisto an biktima na si alyas Sonny, 52 anyos, residente kan Brgy. Tagbacan Ilaya, sa nasambitan nang banwaan.
Sa nagunong impormasyon kan Bombo Radyo Naga sa Quezon Police Provincial Office, basado soboot sa inisyal na imbestigasyon kan mga kapulisan napag-araman na alas-9 soboot kan Abril 30 kan makadangog an kapitbahay kan suspek nin tolong putok nin badil mantang nakahigda na ini sa saindang harong.
Alas 7:30 man soboot pakaaga kan madukayan kan katabang kan biktima na si Michael Rosales an lawas kaini sa saiyang residencia na mayo nang buhay asin may tama nin bala sa payo.
Tulos man soboot kaining pigpaaram sa sarong barangay kagawad an pangyayari.
Sa ngunyan, pighahanap na kan mga awtoridad an posibleng may kagigibuhan kan panggagadan asin nagpapadagos pa man an imbestigasyon manunungod sa nangyaring insidente.
