NAG-TOP 10 an sarong Nagueña sa kakatapos pa sanang Electrical Engineers Licensure Exam.
Sa entrevista kan Bombo Radyo Naga ki Sophielynn Valdez, Top-10 Passer kan Registered Electrical Engineers Licensure Exam, saiyang pigheras na presente ining nakaistar sa Carangcang, Magarao, alagad born and raised ini sa siyudad nin Naga.
Nag-enroll man ini sa sarong review center sa Manila, asin nag-dorm digdi tanganing maka-pokus sa review.
Temporaryong dai man muna ini nagtrabaho tanganing makua kaini an saiyang lisensya asin siertong magpasar.
Sigun ki Valdez, maski solo sana ining nag-dorm, mas maray na soboot ini tanganing talagang maka-pokus sa pag-aadal.
Dugang pa kaini, masakit na solo sana na nagrereview huli ta mayo ining kaibanan sa dorm, asin dakul ining nahiling na magkaka-ereskwela na sarabay na nagreview asin magkaka-room mate.
Kumparar soboot sainda na tolo sana gikan sa saindang eskwelahan na magkaklarase sa review center.
Nasakitan man ini sa saiyang sitwasyon nin huli ta na-isolate ini sa saiyang mga kapamilya asin barkada mantang nagrereview, asin pigsambit na harayuon ini sa saiyang environment kan nasa kolehiyo pa.
Ngunyan na nakapasar na ini asin nag-top 10 pa, sigun ki Valdez presente ining naghahanap nin trabaho, alagad posible na paramientras na magpahingalo muna ini nin saro o duwang taon.
Nagtapos man si Valdez sa University of the Philippines-Diliman.
