NAGA CITY-Piglinaw kan sarong opisyal kan DepEd-Camarines Sur na bako nang mandatoryo an paggamit sa Mother tongue based-multilingual Education komo paagi sa pagtukdo sa mga estudyante.
Sa entrevista ka Bombo Radyo Naga ki Atty. Salvador Bogs Pelingon, Division Infomartion Officer kan DepEd Camarines Sur, sinaysay kaini na hinali na komo subject asin medium of instruction an Mother tongue based-multilingual Education.
Sigun sa opisyal, igwa soboot na mga estudyante, paratukdo na gikan sa ibang mga lugar o nagta-transfer kun saen dae gabos nakakasabot kan tataraom na piggamit kan sarong lugar.
Huli kaini, mas mawhay na gamiton an Wikang Filipino tanganing magtukdo o makipag-ulay sa mga kaakian. Alagad pigtawan duon man ni Pelingon na dae man pigbabawal an paggamit kan Mother tongue based-multilingual Education huli ta nakakatabang man ini tanganing mas maintindihan kan mga estudyante an saindang leksyon.
Dugang pa kan opisyal, igwang sala sa implementasyon kan Mother tongue as medium of instruction nin huli ta dae ini nakasabay sa presenteng kamugtakan kan mga kaakian asin saindang pangangaipuhan.
Sa ngunyan, pigsierto na sana ni Pelingon na padagos an saindang pagbilog nin mga programa na makakatabang sa mga estudyante.
