Aram baya nindo mga Ka-Bombo, sarong Vietnamese Artist an nakapagsungkit kan world record na may pinakahalabang kuko sa bilog na kinaban.
Nag-abot nin tulong dekada si Luu Cong Huyen tangani mapalaba an saiyang mga kuko sa parehong kamot na nag abot nin 594.45 cm. An laba na ini an labi pa sa langkaw kan sarong gurang na giraffe.
Bako sana an laba an ipinanglalaban ni Huyen huli ta an saiyang haralabang kuko an napapatos nin manlaen-laen na kolor kan pintura kawsa kan pagpipintura kaini kan magagayon na mural sa tahaw kan mga kaharungan.
Pigheras kaini na 34 taon na an nakakalihis kan huri kaining putulon an sadiring mga kuko huli sa kagustuhang sundan an yapak kan ama sa pagigin shaman.
Siringpaman, dae kaini ipinagpadagos na tahakon kan abisuhan ini kan saiyang ama. Sinaysay pa ni Huyen, pinagpadagos na sana kaining palabaon an mga kuko huli ta mati kaining dae tuod pag nawara na ini asin mapapagal sana soboot ini.
