Nag-alma si Senator Chiz Escudero sa alegasyon ni House Deputy Speaker Ronaldo Puno na sinda ni Congresman Zaldy Co an dapat na basulon sa budget insertions ngunyan na taon.
Sigun ki Escudero, makangirit an ginigibo ninda Puno asin an Kamara huli ta marekas na pig-abswelto si dating House Speaker Martin Romualdez mantang piglaglag si Co asin nagtukdo pa nin iba.
Pigtawan duon pa kan senador na an tunay na isyu digde an mga ghost projects, substandard na imprastraktura asin mga kickbacks sa nakalihis na pambansang budget.
Pigtukoy ni Escudero na nangyari an mga ini sa taong 2022, 2023 asin 2024, mga taon na House Speaker si Romualdez.
Nagpatanid an lehislador na dae magpa-distract an publiko sa mga politikal na pahayag na nagpupurbar na linigon an nangyaring eskandalo.
