Nagpa-utob ngunyan nin mahigot na seguridad an Senado makalihis makaresiber ni bomb threat kan nakalihis na aldaw nin Martes.
Sa luwas kan gate kan Senado igwa nin mga naka-deploy na mga pulis tanganing masiguro na salbao an lugar.
Nag implementar pa an ngunyan nin dugang na lakdang sa seguridad antes na mag laog nin establisyemento kun saen pigsusuri an kada lunadan man na naglalaog.
An dugang na security measures an pigpapautob ngunyan kan Office of the Senate Sergeant at Arms (OSAA).
Segun pa ki Atty Renato Bantug, Senate Secretary, igwa soboot nin nag-post nin threat sa social media page kan Senado kansuudma na aga.
Posibleng prankster soboot huli sa nagpost man sa kun saen saen an nasambitan ng account.
Pigsaysay man ni Senate President Francis “Chiz” Escudero na alagad dae ini pigkokonsiderar na credible asin seryosong huma, nagpautob pa man nin ibayong pagiingat an mataas na kapulungan.
