Nagpatanid si Senador Sherwin Gatchalian sa mga Pilipino asin sa mga banyaga na madadakop na nagtratrabaho sa Philippine Offshore Gaming Operators o POGO scam hub na maninimbag man sinda sa ley.
Pighayag ini ni Gatchalian makalihis an panibagong raid kasuudma sa illegal POGO sa Parañaque kun saen 400 an mga empleyado na Pinoy, Chinese asin Indonesian an naabutan kan mga otoridad.
Nagluluwas man soboot na makalihis na masalakay an sarong illegal POGO naglilipat sana an mga empleyadong Pinoy sa ibang POGO hub.
Pig-enkaminar man kan senador an mga otoridad na kasuhan an madadakop nindang embwelto sa illegal POGO operation.
