Inako ni Senadora Imee Marcos na haloy na sindang dae nag-uulay kan saiyang tugang na si Presidente Ferdinand Marcos Jr.
Sigun ki Imee, igwa sanang pagkakataon kun sinda mag ulay kan saiyang tugang sa mga public gatherings.
Alagad pagbuyagyag kaini na igwa soboot mga tawo na nakapalibot sa Presidente an naghaharang tanganing dae sindang makapag-ulay.
Piglinaw man kan senador na mayo ining kulog boot ki Presidente Marcos makalihis na dae kaini banggiton an saiyang pangaran sa sarong alyansa rally sa Cavite.
Sigun ki Marcos, mayong problema sa saiya an bagay na ito huli ta nakatuon soboot ini sa pag-iimbestigar kun pano maibe-bweltada si dating Presidente Rodrigo Duterte sa nasyon gikan sa The Hague sa Netherlands.
Dapat soboot iprayoridad an pagdepensa sa soberanya kan nasyon imbes na pagtuonan an politika asin panganampanya.
