Pig-atasan ni Presidente Ferdinand Marcos Jr an Department of Budget and Management (DBM) asin an Department of Education (DEPED) para matawan nin mas halangkaw na Service Recognition Incentive (SRI) sa mga public school teachers.
Segun sa Presidential Communications Office (PCO) na obheto kan gobyerno na langkawan an SRI kan mga public school teachers asin plano ninda ngunyan na gibuhon nin sa P20,000 gikan sa dating P18,000.
Nagkakanigo na magkaigwa nin pag-aadal an DBM asin DepEd kun pano mapalangkaw an SRI kan mga public school teachers.
An SRI iyo an taunang financial incentives na pigtatao sa mga empleyado kan gobyerno komo pagbisto sa mga dedikasyon sa pagtatao nin serbisyo sa publiko.
