Nangengenot pa man giraray an Smuggling sa mayor na problema sa sektor nin agrikultura na nakaaapektar sa paglangkaw nin presyo kan mga produkto.
Sigun ki Department of Agriculture (DA) Spokesperson Assistant Secretary Arnel de Mesa na sa ngunyan, mayo man sindang nahihiling dakulang epekto nin kariribokan sa Israel asin Iran sa presyuhan nin produkto.
Siringpaman, kun maglangkaw man an presyo nin petrolyo, nakaaapektar ini sa pagluluwas nin produkto na pwedeng magbusol tangani maglangkaw an presyo kaini.
Kinumpirmar man ni Asec. De Mesa na pinag-aadalan pa an planong maximum suggested retail price sa bawang asin sibulyas.
Kasabay kaini, nagpatanid si Asec. De Mesa sa publiko sa pagbakal nin mga imported na sibulyas makalihis madiskubre na kontaminado nin e-coli bacteria an nasabat na imported onions sa merkado sa syudad nin Maynila.
