Naga City – Binawian nin buhay an sarong suspek sa nangyaring snatching incident sa siyudad nin Naga.
Sa nagin paghampang sa mga kagawad kan media ni PLTCol. Cheste Pomar an tagapagtaram kan Naga City Police office pigsaysay kaini an nasambitan ng snatching an ikaduwang insidente na nagyari kasuudma sa syudad.
Sigun pa ki Pomar, makalihis na maagaw kan suspek an gamit sa biktima nagdalagan ini asin nakabudal sa sarong Truck.
Dinara an suspek sa Bicol Medical Center alagad bandang alas 5 nin hapon pig release an suspek asin mantang naghahalat sa pamilya tanganing ibahan sa Cadlan, sa sarong mental facility huli ta pigtutubudan ining igwang record na sa mental hospital napansin soboot kan saro nindang PNP personnel na iba na ang itsura kan suspek huli ta namumutla.
Digde naman soboot nag desisyon an PNP na darhon giraray sa Bicol Medical Center, alagad sa kasamaang palad pag abot sa hospital binawian nin buhay an suspek kun sain pigdeklar ining dead on arrival kan mga doctor.
Pigsaysay pa ni Pomar na nakaulay kaini an station commander kun sain napag araman na igwang kateter an suspek sa hababang parte kan saiyang hawak.
Sigun man sa finding kan mga doktor posible soboot na nagkaigwa na nin problema sa salud kaini huli ta hiniro kaini an nasambitan ng kateter.
Mientrastanto, mayo soboot detalyes na itinao an ospital sa kamugtakan kan suspek alagad sigun ki Pomar an saindang paglaom marhay na suspek kaya ini pig-release alagad napag-araman kaini na may kateter palan an suspek.
Piglinaw man ni Pomar, na dae aram kan saindang personahe huli ta habo naman kan biktima na magreklamo sa insidebt. Katakod digde, nagrequest soboot an pamilya na matabangan ining darhon sa mental an suspek imbes na ibalik sainda.
Dae man soboot pigsambit kun ano an totong namamati kaini, alagad sigun sa background kan suspek aki pa sana soboot an suspek bako ng marhay an pagdakula kaini.
