Nagpatanid an presenteng sekretaryo kan Department of Justice na si Sec. Jesus Crispin ‘Boying’ Remulla sa mga indibidwal na igwang planong guluhon an nag-uusad kan kaso sa pagkawara kan mga sabungero.
Sigun sa nasambitan ng sekretaryo dae soboot tutugotan kan ahensiya na makiaram an nagkapira dapit sa missing sabungeros case.
Ini an kasunod kan maarestar an sarong mag-agom na igwang koneksiyon o kaparientes sa mga nawawarang sabungero.
Kun saen pinorbaran kaining suhulan pati an mga kaparientes na kaibahan sa mga nagrereklamo tangani sanang iatras an kaso.
Kaya pigtawan-duon ni Justice Secretary Remulla na an gibuhong pagharang sa kaso an maikokonsiderar komo sarong krimen.
Saiyang pigsierto na aarestaron an mga ini asin kakasuhan nin kaukulang kaso sa mga maporbar na guluhon an imbestigasyon, istorya asin kaso.
Mantang katakod sa naarestar na mag-agom na nanuhol para sa recantation kan kaso, sigun ki Justice Secretary Remulla sainda pang inaaram kun sisay an nasa likod kan pangyayari.
