Ibinunyag kan presenteng sekretaryo kan Department of Justice na si Sec. Jesus Crispin ‘Boying’ Remulla an lokasyong nasyon ni Ako Bicol Party-list Rep. Zaldy Co.
Sa naganap na pulong balitaan, inihayag ni Justice Secretary Remulla na presenteng nasa Europa an nasambitan ng kongresista.
Igwa soboot mga impormasyon sindang nareresebir na makapagsasabing nasa parte ini kan Europa, kun saen pwedeng sa nasyon kan Spain o France.
Alagad kalaunan, pinanindugan kan sekretaryo na si Cong Zaldy Co an presenteng nasa nasyong France nagtitinir makalihis maghali nin Pilipinas para sa soboot medical concern.
Marurumdumang kasuarin sana naenot ng pigkumpirmar man ni Justice Secretary Jesus Remulla na inisyuhan na an lehislador o ibinugtak para sa Immigration Lookout.
Naisyuhan na soboot ini kan Immigration Lookout Bulletin Order kun kaya nakabantay o nakamonitor na an Immigration sa pagbweltada o pagluwas man liwat ni Co sa nasyon.
Alagad ipigheras man kan sekretaryo na sinda an mahagad na sa Interpol o International Police Criminal Organization tanganing magluwas ini nin Blue Notice.
Obheto soboot kaini na makaguno o matawan sinda nin impormasyon dapit sa siertong lokasyon asin paghiro ni Congressman Zaldy Co.
An nasambitan ng kongresista an naiimbwelto sa maanomalyang flood control projects na kaibahan man sa mga pigrerekomendang makasuhan kan National Bureau of Investigation.
